ايميلات في ايميلات !!

hotmail-today

لكل شي نهاية .. ولكل أنسان غاية ..

ولكل سنة بداية .. فاللهم تقبل منا مافات

وأحسن لنا في ماهو آت .. وأغفر لنا الزلات

وأختم لنا بالحسنات .. وتجاوز عن السيئات

ونسألك عاما جديدا مفعما بالخيرات

جمعة مباركة لكم يا سادات ..

..

في كل يوم .. عندما نبدا الابحار في عالم الانترنت

تكون البداية مع الرسائل الالكترونية .. الايميل !!

دعوني استعرض لكم ايميلي لهذا اليوم ..

عدد الرسائل الوارده  ( 9 ) طبعا خلال 8 ساعات ..

رسالة طلب دم لشخص فصيلة A+ (( مضى كتابتها شهرين ))

رسالة مساعدة في عتق لرقبة لأهل الخير (( وصلتني للمره الرابعة خلال اسبوعين ))

رسالة ارسل لـ 15 لا يقفلون ايميلك .. (( من 2004 وهي تجيني كل اسبوع ولا ارسلتها ولا قفلوه ))

رسالة المليون حسنة (( ماشالله والله مدري كيف يحسبون الحسنات .. استغفر الله .. طبعا جتني مرات عديدة ))

رسالة هالمرة صدق شوفوا الخبر في موقع البي بي سي (( هي نفسها انتبه لا يقفلون ايميلك .. بس بشكل جديد ..للمره التاسعة))

رسالة مهم جدا .. شاهد الجدول في الاخير .. (( طبعا محسوبه حسناتك بالتحديد .. بس انت ارسل .. للمره الثامنه ))

رسالة يجب أن تصل للجميع  .. (( فيها دعاء .. وفي الاخير أمانه عليك ترسلها للي عندك ))

رسالة من شركة اجنبية (( دعاية .. وكلها نصب ))

رسالة من صديق  .. (( الشي الوحيد اللي قريته في الايميل ))

^_^

يعني بالعربي المفيد .. ايميل واحد ..

حبايبي .. حتى لا نكون بس مجرد .. جهاز مرسل ..

تأكد من الايميل قبل الارسال .. و امانه عليك عليك ترسلها .. ما يجوز ..

الهوت ميل راح يقفل .. لا حط في بطنك بطيخه صيفي … ما يقدر يقفل ..

بس هذي رسالة الغرض منها معرفة الايميلات المستخدمه .. لأصاحب القوائم والدعايات

والرسالة اللي تقول ارسالها وشاهد الجدول كم حسناتك .. يا ناس خافوا ربكم .. الله اللي يعطي

وارسلها لمدري كم واسمع خبر سار .. واذا ما ارسلتها .. ترى مدري وش يصير ..!!!

ورسائل طلب الدم و عتق رقبه وشغالة مدري وش فيها وبنت ضايعة الصورة في المرفقات ..

هذي خدمات تقوم فيها جهات حكومية .. تعرف المصدر والحقيقة .. !!

سوري .. عصبت شوي .. بس وش اسوي ..

تعالوا نسمع مقطع صوتي لشيخ المنجد .. يتكلم عن الموضوع ..

تفضلوا

 


عذرا مجدد

دمتم بود ..

Majeed

Advertisements

~ بواسطة majeed99 في 02/01/2009.

22 تعليق to “ايميلات في ايميلات !!”

  1. الله عليكـ ياعبدالمجيد ..
    جبتها ع الجرح

    انا في ايميلي الآن 262 رساله ..
    اجزم فيها ان نصفها ارسل واكسب واذا لم ترسل
    سيصيبكـ مرض .. او ستسمع خبر غير سار

    دليت على طول مااعطيها وجه …

    وكلام المنجد راائع .. يوافق ماقلته سابقاً لأحد اصحابي
    تماماً ..

    عوافي اخوي ..

  2. مراحب أخوي إحساسـ

    منور والله ..

    يسعدك ربي ..

    أجل الجرح عندي وعندك ..

    الله يعينك .. والله عدد مو سهل

    كلك ذوق أخوي

    يارب منور دوم

    الف شكر لك

    🙂

  3. ههههههه تشكر Majeed عالموضوع ,,,,,

    ومن جد ياكثرها وبصراحه مليت من كثر ماسويت ديليت فصرت أخليها تأخذ راحتها,,,,,

    أنا أول ماقريت عن تقفيل الأيميل لو ماأرسلت خفت بعدين طنشت ^_^

  4. صح معاك حق ^^

    اغلب الرسايل من هالنوع

    شكرا مجيد

    🙂

  5. معاك حق عموما انا ما افتح الايميل الا كل شهر مرة عشان احذف الرسائل اذا كان مزاجي رايق والا اخليها للشهر اللي بعده:(

    شكر مجيد وجزاك الله خير

    والا

  6. مس جافا

    يا هلا والله

    العفوو

    الحال من بعضه

    هههههههههههه

    ربي يسعدك

    الف شكر لك

    🙂

  7. Loli

    يا هلا وغلا ^_^

    اي والله .. صحيح

    نورت والله

    كلك ذوق

    الف شكر لك

    🙂

  8. L

    نورت والله

    مراحب

    هههههههههههه

    ماشالله عليك .. مرتاح

    كلك ذوق

    الف شكر لك

    🙂

  9. مشكوووووور
    والله فعلا هذا الي صاير وصاير بقوه ودايم ^_^
    والحمدلله ماعمري صدقت سالفة الايميل .. واذا وصلني ايميل فيه امانه وبذمتك اعدل عليه بدون لا الزم على المستقبل الا يرسل او اقراه وخلاص ..
    جزاك الله خير ويعطيك العافيه .. موضوع راائع وربي .. شكرا لك

  10. bebe

    العفووو

    نورت والله

    هذا هو المهم ..

    تدري عاد ..

    كان ودي احط آخر الموضوع

    بذمتكم ارسل الموضوع لـ 100 شخص

    هههههههههه

    امزح

    كلك ذوق

    الف شكر لك

    🙂

  11. كلامك فعلا صحيح ..
    شاكره و مقدره لك اخوي مجيد .. 🙂

  12. بصراحة أنا رسايل من هالنوع
    ما أضيع وقتي وأفتحها
    وإذا فتحتها على عجل ما أرسلها إذا ما اقتنعت فيها
    لأنه مو كل شي نستقبله صحيح
    جاري تحميل المقطع
    متأكدة إنو بيكون رائع

    كل الشكر لكـ
    تحياتي ..~

  13. واااااي والله أنك خيييير يا مجييييد مشكوووور على كل شي تسويه يعني مدري وش اقول خخخخ

  14. السلام عليكم
    الله يعطيك العافيه مجيد

  15. السلام عليكم ورحمة الله وبركاته

    يعطيك الف عافيه ع الموضوع المهم جداً صراحه

    واللي بدا يسبب ازمه داخل بريدي 😦

    والله تجيني من هالرسايل بشكل مش طبيعي والمشكله انهم يقسمون

    علي الا ارسلها وان مارسلتها انا ماستحق ثوابها

    يالله مافي شي بالاجبار وماادري اللي سوى هالموضه من الرسايل
    وش يحس فيه
    وهل يحسب نفسه مثلا راح ياخذ ثواب بهالطريقه !!
    بأمكانك ارسالها بدون ارغام الناس على ارسالها من بعدك

    هذا غير الرسايل اللي من نوع اخر ارسل هالرساله عشر مرات
    وستسمع خبر يعجبك واهملها فيسيء حظك

    وش هالخرفنات اللي جالسين يرمونا فيها

    من جد شي يقهـر

    يعطيك الف عافيه ع طرحك لمثل هالموضع ..

  16. salamo 3alaycom wa ra7mat ALLAH
    3othran 3al 2ajnabi 3am 2e7ki men Canada wel printer wirless ma fi 3arabi,fa chokran 3al mawdou3 l7elo jazakom ALLAH koll 5air
    law sama7tom lezim hayda l3alam taba3 lmo7tallin wal mo8tasibin lal2ared l3arabiyi
    leich mawjoud bayn l2a3lam kellon ,ma fi tari2a tenza3o w makeno bel zebeli [2akramakom ALLAH] wa saalamo 3alaycom
    AHMAD AL -KHATIB Canada Mississauga
    ARABI LOBNANI

  17. الله يخليكم

  18. أنا تجيني أكثر من رساله بس مطنشه وعلى قولتك امانه اصلا مايجوزتالحلف بأمانه فما بالك لو صدقت بس الحمدلله على نعمةالعقل

  19. مساءالخير 000 وكل عام وانتم بخير يعطيكم العافية مواضيعكم عجبتني وياليت ترسلون كل جديد على إيملي وعساكم على القوة

  20. مساء الخير مواضيعكم جدا حلوه ومسليه والله واتمنى كل انسان يتعرف على حاله مع تحياتى شمس العسكري

  21. ههههههههههه
    جزآآآك الله خير
    المونة مفيـدة مرة
    و ما ينمل منها!!

  22. ورسائل طلب الدم و عتق رقبه وشغالة مدري وش فيها وبنت ضايعة الصورة في المرفقات ..

    ههههههههههههههه .. والله تدري انا عندي تقريبآ 700 رساله 300 ماقريتهن والباقيات افتحهن وعلى الطاير اقرآهن المشكله مكررات اغلبهن .. شكرآ اخوي مجيد ولاهنت

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

 
%d مدونون معجبون بهذه: